3-5 жніўня адбылася ХІ Пешая пілігрымка з Гродна ў санктуарый Езуса Журботнага ў Росі. Кіраўніком пілігрымкі выступаў кс. Юрый Марціновіч разам з вернікамі з парафіі Беззаганнага Зачацця Найсвяцейшай Панны Марыі. Колькасць пілігрымаў налічвала каля 300 чалавек, якія прасілі Бога аб патрэбных дарах і ласках для сваіх блізкіх і ўсяго свету. Асаблівасцю сёлетняга падарожжа стала тое, што ў ім ўдзельнічала шмат маленькіх дзяцей, якія разам з бацькамі маліліся аб лепшай будучыні для нашай краіны.

З 24 па 26 жніўня ў Гродне адбыўся Першы кангрэс каталіцкіх СМІ ў Беларусі. Прапануем паглядзець у здымках, як адбывалася гэтая надзвычайная падзея цягам усіх трох дзён.

Ці ведаеце вы, што такое дзіцячае шчасце? Адказ просты... Гэта ўсмешкі, гэта сэрцы, распаленныя верай у Бога, радасцю, шчырасцю, дабрынёй, любоўю, павагай, сілай волі. І ўсяго гэтага дасягнулі за два тыдні у парафіях св. Тэрэзы Авільскай у Шчучыне і Унебаўзяцця Найсвяцейшай Панны Марыі ў Лідзе, дзякуючы арганізацыі “Канікул з Богам” айцамі піярамі.

Скончыўся Першы Кангрэс каталіцкіх СМІ, які цягам трох дзён праходзіў у Гродне. Заключнай часткай падзеі было ўручэнне ўзнагарод за развіццё каталіцкіх сродкаў масавай камунікацыі ў Беларусі і ўрачыстая імша ў катэдры.

Істотнай падзеяй другога дня Кангрэса былі круглыя сталы па чатырох напрамках журналістыкі: друкаваных СМІ, радыё і тэлебачанню ды інтэрнэт-журналістыцы.

Журналісты, сабраныя на кангрэсе, даведаліся статыстку па прысутнасці каталіцкага Касцёла ў СМІ краіны, пачулі прапанову стратэгіі развіцця каталіцкіх медыяў ды пазнаёміліся з досведам працы замежных калег.