sie
25

Падведзеныя вынікі круглых сталоў у рамках Кангрэса каталіцкіх СМІ

Tekst jest w trakcie tlumaczenia na polski

Мадэратар круглага стала на тэму інтэрнэту Павел Левушкан (партал Baznica.info, Латвія) адразу паставіў удзельнікаў перад фактам, што сучаснаму грамадству постмадэрна на патрэбная інфармацыя. Людзей сёння цікавяць не навіны, а гісторыі. Гэта значыць, што на першым месцы ўсё ж стаіць цікавы спосаб падачы матэрыяла, а не яго змест.

На жаль, творчы падыход даволі абмежаваны ў большасці каталіцкіх СМІ, бо ўсё гэта афіцыйныя медыі Касцёла. Гэта значыць, што існуе патрэба ў неафіцыйных пляцоўках для каталіцкіх журналістаў, дзе можна паказаць больш нефармальны твар веруючых.

Падчас перапынку на кавуІнтэрнэт, як і каталіцкая царква – сусветная з’ява. З гэтага пункту гледжання нам не хапае інфармацыі з жыцця касцёла ў суседніх краінах. Як заўважыў Павел Левушкан, у Латвіі – краіне-суседцы – веды пра каталіцтва ў Беларусі фактычна адсутнічаюць. Пра адваротны кірунак можна сказаць тое самае.

Удзельнікі круглага стала па тэлебачанні і радыё прапанавалі аднавіць школу журналістыкі і камунікацыі як частку адукацыйных устаноў каталіцкага Касцёла. Агучана была патрэба ў кадрах, бо існуе шмат сайтаў, але не хапае прафесіяналаў, якія хацелі і маглі б імі займацца. Таксама даволі пільнай патрэбай удзельнікам кангрэса падалася сістэматызацыя і стварэнне сапраўднага архіва відэазапісаў з жыцця Касцёла ў Беларусі.

Удзельнікі дыскутавалі на форуме і ў кулуарах

Круглы стол па друкаваных СМІ звярнуў увагу на мэтавую аўдыторыю: рабіць газеты і часопісы толькі для святароў і манахінь – няправільны шлях. З іншага боку, свецкія чытачы з вялікай ахвотай чытаюць тэксты напісаныя святарамі, што стварае праблему пошуку аўтараў. Як лічыць ксёндз Мікола Мышкоўскі (часопіс “Credo”, Украіна), знайсці добрага аўтара-святара надзвычай цяжка, бо мала хто з іх умее добра пісаць. Ксёндз Аляксандр Амяльчэня з беларускай службы Ватыканскага радыё паспрабаваў абвергнуць гэты стэрэатып аб “аморфных, наздольных і няграматных святарах” на прыкладзе рэдакцый, якімі ён кіраваў і кіруе цяпер. Паводле яго словаў, годныя святары нешматлікія і заўсёды занятыя, але знайсці іх і заахвоціць да супрацоўніцтва цалкам рэальна.

Апошнім мерапрыемствам другога дня кангрэса быў майстар-клас Алены Кулыгінай (Рэлігійна-інфармацыйная служба Украіны) на тэму выкарыстання Касцёлам PR-тэхналогій. Алена прадставіла ўдзельнікам некалькі цікавых прыкладаў PR з практыкі католікаў Польшчы і Украіны.

Пробашч Ян Кучынскі распавядае гісторыю гродзенскай КатэдрыПасля вячэры ахвотныя, якія мелі яшчэ на тое сілы, наведалі Катэдру, дзе ксёндз пробашч Ян Кучынскі грунтоўна, але з гумарам, распавёў гісторыю храма.

   Przy kopiowaniu konieczne jest podanie źródła informacji grodnensis.by.