Ліст Ксяндза Біскупа ў падтрымку дабрачыннай акцыі моладзі

  Вялебным Ксяндзам Пробашчам і Адміністратарам Гродзенскай дыяцэзіі

    Валанцёры горада Гродна разам з моладзю арганізуюць у перыяд Адвэнту акцыю дапамогі дзецям у Дамах дзіцяці  і пажылым людзям у Дамах пажылых людзей пад дэвізам “Стань памочнікам святога Мікалая”.

    У нядзелі Адвэнту яны будуць раздаваць перад касцёлам матэрыялы, якія тлумачаць мэту акцыі і заахвочваюць прыняць у ёй удзел.

    Вельмі прашу Ксяндза Пробашча прыняць валанцёраў у сваёй парафіі і ў парафіяльных аб’явах расказаць вернікам пра акцыю падрыхтоўкі падарункаў на Божае Нараджэнне.

    Усім арганізатарам і ўдзельнікам дабрачыннай адвэнтавай акцыі з усяго сэрца благаслаўляю.