Сустрэча катэхетаў з парафій Гродзенскай дыяцэзіі адбывалася ў Гродне 25 верасня. У праграме былі запланаваныя некалькі рэфератаў, а таксама дыскусія і вольныя выступы.

2012-ты год з’яўляецца асаблівым для прафіі Перамянення Пана. Мінула дакладна стагоддзе ад моманту асвячэння святыні ў Вялікай Бераставіцы. У сувязі з гэтым, пасля місій, якія адбыліся ў парафіі і якія яе ажывілі, адбыўся доўгачаканы юбілей 100-годдзя асвячэння касцёла. Падрыхтоўка да святкавання гэтага вялікага дня трывала ўжо некалькі гадоў.

Гераіняй опернага спектакля “Малгажата”, пастаўленага ў адным з касцёлаў Познані, стала сястра назарэтанка з Навагрудка. С. Марыя Малгажата ад Сэрца Пана Езуса, канаючага ў Садзе Аліўным, нарадзілася 10 крсавіка 1896 года каля Вадовіц, а памерла 26 карсавіка 1966 года ў Навагрудку. У пастаноўцы паказваецца жыццёвы шлях с. Малгажаты, а таксама прыбыццё назарэтанак у Навагрудак, пачатак ІІ Сусветнай вайны, трагічны лёс 11 сясцёр і трыванне с. Малгажаты на варце веры ў вельмі цяжкіх часах савецкай паваеннай рэчаіснасці да канца свайго жыцця.

Пабраўшы свае заплечнікі, дзеці і моладзь у чарговы раз вырушыла з францішканскага касцёла ў пілігрымку да Маці Божай, Цярпліва Слухаючай, у Капцёўку. Некаторыя заплечнікі выглядалі настолькі цяжкімі, што падавалася, туды ўкладзены ўвесь камплект школьных кніг. А. Юзаф Макарчык у казанні падчас св. Імшы ў санктуарыі ў Капцёўцы параўнаў дзіцячыя заплечнікі з крыжом. Заплечнік увасабляе сабой увесь працэс школьнага навучання – часам цяжкага і пакутнага, але без яго не вырасце і не складзецца дарослая асоба...

Увесь матэрыял можна будзе прачытаць у чарговым нумары газеты "Слова жыцця", які з'явіцца на парафіях 23 верасня. А зараз можна ўбачыць фотарэпартаж з гэтага цікавага духоўнага падарожжа!

17 верасня ў Адэльску адбыўся дэканальны дзень засяроджання для святароў дэканата Гродна-Захад. На пачатку святары маліліся ў парафіяльным касцёле Вяночкам да Божай міласэрнасці, пасля чаго выслухалі канферэнцыю.

Студэнты і працоўная моладзь – душпастарства “OPEN” – па чацвяргах у 19.15 (верасень – чэрвень)
Біблійнае кола моладзі “Effata” – па панядзелках у 20.00
Дабрачынная група моладзі “Вокресенье” – па аўторках у 20.00
 

Сустрэчы адбываюцца ў пабрыгіцкім касцёле.
9 верасня – “Аб паняцці аўтарытэту настаўніка і выхавацеля”
16 верасня – пілігрымка ў Капцёўку – “Маці Божая наша настаўніца”

Кожны чацвер – св. Імша ў 19.15, пасля якой ладзяцца сустрэчы ўдзельнікаў АД "Open" у пабрыгіцкім касцёле. Глядзіце ніжэй тэматычны план сустрэч.

Каля ста рэктараў дыяцэзіяльных і манаскіх семінарый з усёй Польшчы прынялі ўдзел у агульнапольскай канферэнцыі, якая адбылася ў Тарнове 4-6 верасня. “Складаная прастора семінарыйнай фармацыі” – такім быў дэвіз сустрэчы кіраўнікоў духоўных навучальных устаноў. Беларусь на канферэнцыі прадстаўлялі рэктар Гродзенскай ВДС кс. Юзаф Станеўскі і рэктар Пінскай семінарыі кс. д-р Ян Саламон.

Пілігрымка сем’яў у санктуарый Маці Божай Яснагурскай у Капцёўку на пачатак школьнага і катэхетычнага года адбудзецца 16 верасня.
Праграма пілігрымкі наступная:
7.00 – св. Імша ў францішканскім касцёле
8.00 – выхад пілігрымаў
12.30 – вітанне пілігрымаў у Капцёўцы
13.00 – Вяночак да Божай Міласэрнасці
13.15 – урачыстая св. Імша. Пасля св. Імшы адбудзецца прадстаўленне парафіяльных груп.
17.00 – ад’езд
Сардэчна ўсіх запрашаем у пілігрымку!