Новая кніга а. Джэймса Манджакала

Рыхтуецца да выдання новая кніга вядомага прапаведніка-рэкалекцыяніста а. Джэймса Манджакала (Індыя). Таксама 29 чэрвеня – 1 ліпеня а. Джэймс будзе праводзіць рэкалекцыі ў санктуарыі Езуса Журботнага ў Росі.

Падрабязней...

У Іўі ў гонар адзінства і сяброўства канфесій адкрыты памятны знак

16 чэрвеня ў Іўі адзначалі Дзень горада. Галоўнай падзеяй гэтага свята стала адкрыццё памятнага знака ў гонар сяброўства і адзінства канфесій Іўеўшчыны. Іўеўчане і госці ўрачыстасці распачалі гэты святочны дзень у сваіх святынях: католікі – у касцёле св. апосталаў Пятра і Паўла, праваслаўныя – у царкве св. мучаніка дзіцяці Гаўрыіла Беластоцкага, мусульмане – у мячэці.

Падрабязней...

Запрашаем на паказ хрысціянскага дакументальнага кіно

Упершыню ў Гродна 26-27 чэрвеня адбудуцца “Вечары хрысціянскага дакументальнага кіно”. Арганізатарамі выступілі Міжнародны каталіцкі фестываль хрысціянскіх фільмаў і тэлепраграм “Magnigicat” і курыя Гродзенскай дыяцэзіі. Кінапаказы будуць праводзіцца ў кінатэатры “Чырвоная зорка”, пачатак паказаў у 18.30. Ніжэй падаюцца кароткія анатацыі.

Падрабязней...

Настаўнікі і выхавацелі з усёй дыяцэзіі запрашаюцца на сустрэчы ў Ліду

Дыяцэзіяльная сустрэча выкладчыкаў, настаўнікаў і выхавацеляў адбудзецца ў Лідзе 23 чэрвеня ў парафіі Божай Міласэрнасці (Ліда-Маладзёжны). На сустрэчу запрашае ксёндз біскуп Аляксандр Кашкевіч, прызнаючы вялікую ролю настаўнікаў, выкладчыкаў і выхавацеляў у распаўсюджванню асветы і выхавання ў Касцёле і нашым грамадстве

Падрабязней...

Глядзіце “Сімвал Веры” ў гэты аўторак

img 0371Праграма прысвечана ўрачыстасці Божага Цела. Кс. Павел Салабуда запрашае ўсіх прайсціся вуліцамі горада Гродна ва ўрачыстай працэсіі разам з Езусам Хрыстом, укрытым у Найсвяцейшым Сакраманце. У праграме Вы пачуеце аб гісторыі і традыцыі свята Божага Цела, а таксама аб яго перажыванні ў Гродзенскай дыяцэзіі.

Праграму можна будзе паглядзець у аўторак 19 чэрвеня ў 17.20 на канале Беларусь-2.

Заканчэнне Парафіяды і ўзнагароджванне

parafiada-zakancz00235Па выніках усіх спаборніцтваў Парафіяды каманда з Росі атрымала І месца. Моладзь з гэтай парафіі ўпершыню ўдзельнічала ў спаборніцтвах, але адразу паказала найлепшы вынік. Другое месца ў агульным заліку ўзяла моладзь з парафіі Святой Сям’і з Ліды. Узнагароду за ІІІ месца павезлі дахаты маладыя вернікі з парафіі Унебаўзяцця Найсвяцейшай Панны Марыі і св. Язафата Кунцэвіча ў Сапоцкіне. Усяго ў сёлетняй Парафіядзе прыняло ўдзел каля 360 хлопцаў і дзяўчат з 27 парафій Гродзенскай дыяцэзіі.

Падрабязней...

Парафіяда. Дзень трэці

IMG 0190У трэці дзень Парафіяды ўсе удзельнікі сабраліся на гродзенскім стадыёне "Нёман". Урачыстым уваходам яны прайшлі на галоўны стадыён, несучы высока над галавой таблічкі з надпісамі сваіх мясцовасцей і парафій. Удзельнікаў прывітаў парафіядны камітэт на чале з дырэктарам стадыёна Францішкам Лецягам, які выступіў з прамовай і пажадаў усім поспехаў і высокіх вынікаў у спаборніцтвах.

Пасля малітвы і гімна ўдзельнікі Парафіяды разышліся па месцах, дзе праводзіліся спартыўныя конкурсы. Дзеці і моладзь паказвалі свае здольнасці ў розных відах спорту: бегу, футболе, валейболе, шашках, бадмінтоне і інш.

Абноўлена: Дадаліся фота з вечара ў Квасоўцы, куды па запрашэнні пробашча квасоўскай парафіі, кс. Яна Занеўскага, прыбылі маладыя ўдзельнікі парафіяды.

Падрабязней...

Парафіяда-Стадыён: фотарэпартаж

IMG 0066"Стадыён" -- адна з частак парафіяднай трыяды, сабраў удзельнікаў спартыўных спаборніцтв на гродзенскім стадыёне.

Парафіяда. Дзень другі

Конкурсная праграма другога дня Парафіяды аб’ядноўвала спаборніцтвы пад агульнай назвай “Тэатр”. Яна распачалася конкурсам на веданне Бібліі і гісторыі жыцця Касцёла. Найлепш у тэстах зарыентаваліся вернікі самай малодшай катэгорыі – агулам яны паказалі лепшыя вынікі, найгорш чамусьці сябе паказалі ў веданні Бібліі самыя старэйшыя ўдзельнікі. Лёгкімі дзецям падаліся пытанні, якія датычыліся нейкіх дзеянняў у Бібліі. Цяжкімі былі пытанні, якія патрабавалі ведання некаторых урыўкаў Бібліі даслоўна.

Падрабязней...

Парафіяда-Тэатр: фотарэпартаж

Глядзіце фотарэпартаж з другога дня спаборніцтваў Парафіяды. 13 чэрвеня ўдзельнікі спаборнічалі ў конкурсах на веданне Бібліі і гісторыі Касцёла, конкурсе малюнкаў, музычным і конкурсе малых тэатральных форм. Увечары ўсіх чакаў канцэрт гурта з парафіі Гродна-Дзевятоўка.

Парафіяда-2012 аб'яўляецца адкрытай

Паспрабаваць свае сілы ў розных відах спаборніцтваў прыехала больш чым 300 маладых вернікаў з усёй Гродзенскай дыяцэзіі. Чацвёртая па ліку Парафіяда распачалася св. Імшой, якую ўзначаліў кс. біскуп Аляксандр Кашкевіч. На пачатку Літургіі кс. Артур Малафей, галоўны арганізатар мерапрыемства, прывітаў усіх удзельнікаў Парафіяды, а таксама прысутных спонсараў. Да таго ж “каб Яго Эксцэленцыя пачуваўся сапраўдным удзельнікам Парафіяды” ад імя ўсіх парафіядаўцаў кс. Артур пад гучныя апладысменты уручыў сертыфікат і парафіядную кашульку кс. біскупу Аляксандру.

Падрабязней...

   Пры капіраванні абавязкова спасылацца на grodnensis.by.